Persuvdnasuodjaleami cealkámuš Našunála portála vuorjašumiid dieđáhusaid birra
Portála gávnnat https://bekymringsmelding.fiks.ks.no/ ja lea ráhkaduvvon Norgga suohkaniid várás suohkansuorggi orgánisašuvnnas KS ja Mánáid-, nuoraid- ja bearašdirektoráhtas. Bálvalus addá dutnje vejolašvuođa elektruvnnalaččat sáddet dieđuid vuorjašumiid birra mánáidsuodjalussii.
Vai sáhtát geavahit bálvalusa, de don fertet almmuhit persuvdnadieđuid dego nama ja oktavuođadieđuid. Don oaččut leat oadjebas ahte mii meannudit visot persuvdnadieđuid dorvvolaččat. Jus dus leat gažaldagat dán persuvdnasuodjalusa cealkámuša birra, váldde áinnas oktavuođa minguin dáppe fiks@ks.no.
Láhkamuddemat ja láhkavuođđu movt persuvdnadieđuid meannudit
Lágaid mielde lea mis ovddasvástádus ahte visot dieđut mat čohkkejuvvojit ja meannuduvvojit vuorjašumidieđáhus bálvalusa bokte, leat doarvái sihkkarastojuvvon. Leat máŋga lága mat muddejit movt mannudit persuvdnadieđuid:
- Láhka persuvdnadieđuid birra ja EU ásahusa persuvdnasuodjalusa ektui (GDPR)1 mudde makkár persuvdnadieđuid suohkanat ja KS sáhttet meannudit, ja movt mii hálddášit dieid dieđuid.
- Suohkanis lea vuoigatvuohta meannudit dieđuid mat čužžot dieđáhusain vuorjašumi birra, maiddái persuvdnadieđuid mánáidsuodjaluslága mielde § 4-2 vuosttaš lađas. 2
- Lassin persuvdnasuodjalus mearrádusaide, de leat maid eará lágat mat bidjet gáibádusaid movt dieđut ovttaskas olbmuid birra galget suodjaluvvot. De go eForvaltningsforskriften. 3
Suohkanis lea ovddasvástádus meannudit
Suohkan mii oažžu dieđu vuorjašumi birra, das lea váldoovddasvástádus meannudit persuvdnadieđuid.
Suohkana persuvdnasuodjalusa ovddasteaddji sáhttá veahkehit du
Visot suohkanat leat nammadan persuvdnasuodjalusa ovddasteaddji. Persuvdnasuodjalusa ovddasteaddji sáhttá veahkehit du jus dus leat gažaldagat oaidnit, divvut, sihkkut dahje viežžat dieđuid du birra. Dieđuid movt persuvdnasuodjalusa ovddasteaddji gávnnat, oainnát suohkana neahttabáikkis.
Persuvdnadieđut eai almmuhuvvo earáide go mánáidsuodjalussii
Dieđut mat čohkkejuvvojit ja meannuduvvojit bálvalusas vuorjašumiid dieđahusaid birra, eai almmuhuvvo earáide go dan oassái máináidsuodjalusas gii meannuda ášši suohkanis.